Recuncho Musical

Dictados Melódicos

2011-05-05T22:20:00.005+02:00

Para os nenos de 3º ciclo que queirades practicar os dictados melódicos e seguir entrenando o oído esta actividade está xenial, primeiro escoitade varias veces as cinco notas que se empregarán e despois escoitade o dictado para resolver finalmente.

Preme aquí para comezar.

Recoñecemos sons

2011-05-05T22:11:00.004+02:00

Para os nenos de 1º ciclo vai adicado este post. Hai que entrenar o oído e para iso nada mellor que estes xogos. Sons cotiás e sons de instrumentos que che axudarán a distinguir os diferentes timbres. Preparados? pois a escoitar...

Preme aquí para escoitar sons variados

Ata pronto!!

2011-04-20T19:59:00.005+02:00

Queridos nenos,

Como vai todo? Como xa sabedes, nesta terceira avaliación será o voso novo profe Felipe, o que se encargue de enseñarvos un montón de cousas de música. Eu tiven que incorporarme a un novo cole de ensinanza pública pois intento achegarme ao sitio onde vivo que está a moitos kilómetros do voso cole. Foi todo moi apresurado e non tiven tempo a comunicárvolo.

Lévome moi bos recordos de todos vos…siiii!!! de TODOS!! E agardo que tamén recordedes o mellor da vosa mestra de música e todos os bos momentos que pasamos xuntos tocando, cantando, rindo, traballando... aprendendo. Grazas aos vosos pais por aturar tantos ensaios ca frauta e mostrar tanta colaboración sempre. Agardo que non me deixedes quedar mal e recordedes todo o que aprendemos xuntos! ;)

Para min péchase unha etapa da que gardo moi bos recordos de todos vos e iníciase outra nova noutro cole, noutro concello e con outros nenos pero estade seguros de que non esquecerei a ningún de vos.

O Recuncho Musical seguirá aberto, aínda teño material voso (videos, fotos...) polo ordenador así que irei colgando as cousiñas que tiña gardadas no "baúl". Tamén podedes seguir deixando os vosos comentarios e así poder comunicarnos, dacordo?

Moitas grazas por todo e un bico moi grande para todos!!

ImageChef.com Poetry Blender

Intervalos

2011-02-14T11:59:00.001+01:00

Deíxovos un material moi interesante sobre os intervalos que estamos traballando estes días en 6º feito por María Jesús Camino.Para acceder ao mapa dos intervalos fai click aquí.

Actividades cos intervalos

Contos en Cantos

2011-02-13T12:51:00.005+01:00

Xa son moitas as horas que este lindo traballo nos leva acompañando nas sesións de Música e como estes días estamos traballando cas músicas deste disco-libro quería adicarlle unha entrada. Almudena Janeiro é a diseñadora e autora deste proxecto tan exitoso pois a primeira edición leva esgotada varios meses. Agardamos que a editora OQO non retrase moito unha nova edición pois sei que moit@s estades interesad@s en facervos cun exemplar. Cunha presentación moi coidada e a toda cor, o libro preséntase acompañado dun cd para escoitar as pezas e un cd cos karaokes para que poidades cantar todas as cancións co Almudena...mentres agardamos esa nova edición deíxovos algúns dos videos que atoparedes deste Contos en Cantos.

Instrumentos de percusión

2011-02-13T12:38:00.003+01:00

Para os peques de 1º ciclo e todos os que queirades un recurso moi interesante para reforzar os contidos traballados sobre os instrumentos de percusión...preme aquí.

Pórtico da Gloria

2011-02-13T11:07:00.007+01:00

O Pórtico da Gloria da Catedral de Santiago de Compostela é un pórtico románico realizado polo Mestre Mateo e o seu obradoiro por encargo do rei de Galiza e León Fernando II, entre 1168 e1188. A primeira data consta no documento asinado por Fernando II o 23 de febreiro de 1168, no que se lle concede a Mateo un soldo vitalicio de dous marcos de prata anuais polo seu traballo nas obras da basílica de Santiago (documento que se conserva no Museo Catedralicio).

A segunda data consta inscrita no lintel como indicación do seu remate. Para descubrir cada un dos personaxes que aparecen representados no Pórtico preme aquí.

Tamén podes ver as imaxes das pezas máis destacadas e características do Pórtico premendo aquí.

Visita Virtual

Nesta web podedes visitar o Pórtico da Gloria desde o voso ordenador, fixádevos ben en todos os detalles...podes mirar á dereita ou á esquerda, arriba e abaixo...desfrutade da visita virtual pero non deixedes de visitalo ao vivo agora que sabedes tantas cousas desta obra. Clik aquí.

No portal da Archidiócese de Santiago de Compostela aparece unha interesante web que nos permite coñecer a historia da catedral. Consta de tres seccións: La Catedral, La Tumba Apostólica e o Pórtico de la Gloria con imaxes e videos interactivos.

Queredes pasear pola Catedral? Preme aquí e adentrate nesta xoia.

Os instrumentos do Pórtico da Gloria

Os 24 anciáns da Apocalipse do Pórtico da Gloria compoñen un tesemuño inigualable para coñecer os instrumentos da época. O detalle das figuras foi unha das bases fundamentais que permitiu reconstruílos hai uns anos.

A reconstrucción dos instrumentos do Pórtico da Gloria permítenos ter unha idea aproximada da forma na que se interpretaban as cancións na Idade Media.
Preme aquí poderás visitar esta web tan interesante.

No seguinte link descubrirás outra presentación dos instrumentos que aparecen representados no Pórtico da Gloria. Preme aquí.

Para coñecer máis sobre a reconstrucción ds instrumentos do Pórtico da Gloria preme aquí e accederás ao blog Mis apuntes Musicales onde verás o video que relata o proxecto enmarcado no Programa da Catedral da Fundación Pedro Barrié de la Maza.

Se queres saber máis...

Videos

Webs

Galipedia

www.porticodelagloria.com

Aprendemos en inglés!

2011-01-09T18:34:00.005+01:00

Antes das vacacións chegou á clase de música de 1º unha nova profe; chámase Loren e naceu en New York. Leva catro anos vivindo en Galicia e estamos aprendendo moito vocabulario de música en inglés. Acompáñame nas clases e xuntas dunha maneira lúdica traballamos os instrumentos de percusión e as súas familias. Moit@s nen@s teén unha excelente pronunciación! E para que os nenos de 1º non esquezan todo o aprendido aquí deixo un video que fixemos na aula de música. Que o disfrutedes!

Feliz 2011 desde Recuncho Musical!

2011-01-09T18:34:00.004+01:00

A melodía

2010-12-13T13:36:00.003+01:00

Na casa do Mago atoparás actividades interesantes para traballar coa melodía. Fíxate ben e escoita atentamente seguindo as figuras e as notas que escoitas. Fai clik aquí.

Cuestinario para 6º

2010-11-05T10:34:00.000+01:00

Para poñer a proba os vosos coñecementos deíxovos este cuestionario onde poderedes comprobar se estudiáchedes ben ou tedes que seguir...

Partituras 6º

2010-11-02T22:27:00.001+01:00

E como o prometido é débeda ahí tedes as fotos dos traballos realizados...hai cousas moi orixinais...que disfrutedes das vosas partituras non convencionais!

Máis xogos!

2010-10-29T13:54:00.000+02:00

Este material para refrescar ideas feito por Cristina Martínez é moi interesante para estudiar.Fai clik aquí

Arañanotas!

2010-10-28T09:47:00.001+02:00

Este divertido xogo está xenial para practicar a colocación das notas no pentagrama. Está realizado por Julio Payno. Fíxate onde se sitúa a araña e indica o nome da nota que ocupa ese lugar...a xogar! Fai clik aquí.

Os peques coñecen a aula de música!

2010-10-22T22:08:00.004+02:00

Pois así de content@s estaban @s nen@s de 1º cando visitaron por primeira vez a nosa aula de música do cole. Alí tocamos os instrumentos de percusión e repasamos as súas familias. Fixemos moitos xogos e divertímonos un montón!

Tipos de voces humanas

2010-10-20T15:23:00.004+02:00

Os nenos de 4º están aprendendo o funcionamento das voz humana; cales son os elementos que a compoñen, a clasificación das voces e os tipos de agrupamentos vocais.
Para repasar todo o aprendido fai clik aquí e accederás ao post que subín o curso pasado sobre a voz humana.
Atopei este material estupendo feito pola mestra Elena Duque que complementa o traballo realizado na aula e no que podedes ver videos de cada unha das voces. Non deixedes de visitalo. Fai clik aquí.

E para os que queirades saber moito máis...

View more presentations from Apreciación Musical.

Para os máis peques...a entrenar o oído!

2010-10-20T15:02:00.004+02:00

Para os meus pequenos do 1º ciclo vai este xogo para entrenar o oído. Consiste en comparar as dúas melodías de cada globo e saber se son iguais (same) ou diferentes (different) . Concéntrate ben; primeiro escoita o globo de lunares e despois o outro para decidir.Fai clik aquí.

Chega o outono e chega o Samaín!

2010-10-19T20:50:00.007+02:00

Remata o verán,chega o outono e con él a vendima, as castañas, as chuvias, as noites longas, vaise a calor e vén o frío, rematan as romarías e comezan os fiadeiros a carón do lume...e tamén chega o Samaín. Para os celtas a palabra Samaín significaba o fin do verán e comezo do inverno.

Hai aproximadamente 2.600 anos chegaron a Galicia os pobos Celtas. Ademáis dos seus adiantos , como foi a metalurxia do ferro, tamén trouxeron a súa cultura e as súas crenzas.

Os celtas eran politeístas, adoraban a moitos deuses: Dagda (deusa da bondade), Nuada (guerra), Bríxida (lume), Ogma (forza e literatura) Donn (morte), Lugh (sabiduría), As Morrigan (das batallas)…, que representaban tanto as forzas da natureza como as condicións do espírito. De aí que as súas festas coincidan con determinadas datas relacionadas coas estacións e cos seus cambios:

1 Febreiro en honra a de idade Imbole.

1 Maio en honra a de idade Beltain.

1 Agosto en honra a de idade Lungh.

1 Novembro en honra a de idade Samaín.

A noite do 31 de outubro ao 1 de novembro era a data máis importante do ano pois as portas do outro mundo abríanse para que as ánimas rendiran contas pendentes aos seus moradores. Para afastar dos seus castros as perigosas ánimas defuntas e errantes adoitaban poñer no alto das muradas, ou encastradas nas paredes, as caveiras iluminadas dos inimigos mortos.

O Samaín é o antecedente europeo do Halloween americano. Esta tradición de orixe europea foi levada polos emigrantes a terras americanas e alí transformouse nun carnaval outonal.
Sabías que fomos nós, os galegos, os primeiros europeos que erguemos a idea de Samaín para facerlle fronte á moda do Halloween?

A cabaza, raíña da festa

Xa sexa como adorno ou como ingrediente básico de moitas receitas, a cabaza é a protagonista indiscutible do Samaín. A cabaza é orixinaria de América e pertence á familia das cucurbitáceas.

A cabaceira é unha planta de follas moles e amplas, cunhas flores comestibles de cor laranxa. O seu froito acada un grande tamaño e posúe unha cortiza dura que garda unha carne polposa na que se sosteñen ducias de sementes chamadas pebidas.

Soe plantarse a primeiros de verán no medio do maínzo porque aproveita as súas canas para prender os seus sarmentos. Necesita terreos húmidos e un tempo quente, soporta ben as terras ácidas por iso se da en Galicia.

Existe unha grande diversidade de especies de cabaceiras (todas da familia das Cucurbitáceas), por exemplo a cabaza pasteleira, a cabaza de Senegal, a cabaza de San Pedro, a cabaza de California, a cabaza da India, etc. En Galicia seméntanse varias especies de cabaceiras sendo a máis común e a máis extendida a Cucurbita pepo ou cabaceira común.

Quen canta os males espanta
E como toda festa que se prece a música sempre está presente...na noite do 31 cantábase para espantar ás ánimas así que aquí temos unha boa proposta do grupo Mamacabra para divertirnos este Samaín...ide ensaiando! ;)

Era noite de trebón

nun vello e mouro castelo,

a auga caía a chuzos

e os lóstregos a miles.

Oes dentro un barullo

de alaridos e lamentos,

era noite de trebón

nun vello e mouro castelo.

Bule, bule, bule, bule,

bailan, bailan os espectros,

bailan, bailan esqueletes,

sapos, monstros e morcegos.

Bailan, bailan as pantasmas,

monstros, bruxas e curuxas.

Bule, bule que aínda é cedo

e hoxe toca pasar medo.

Bule, bule, bule, bule,

bailan, bailan os espectros,

bailan, bailan esqueletes,

sapos, monstros e morcegos.

Bailan, bailan as pantasmas,

monstros, bruxas e curuxas.

Bule, bule que aínda é cedo

e hoxe toca pasar medo

A cociñar coa cabaza

E como no Recuncho Musical aproveitamos todo, co que nos sobra de preparar a nosa cabaza para o Samaín cociñamos una rica crema de cabaza...é moi sinxela e está boísima!! Mirade este video e veredes que sinxelo!

As cualidades do son

2010-10-19T11:53:00.002+02:00

Este mapa conceptual sobre as cualidades do son é moi interesante. Está realizado por Cristina Martínez e é unha boa maneira de repasar o que xa sabedes. Facede clik aquí.

Así falou Zaratustra de Richard Strauss

2010-10-19T11:16:00.004+02:00

Esta mañá c@s pequen@s músic@s de 3º estivemos escoitando unha das músicas máis coñecidas do compositor Richard Strauss, "Así falou Zaratustra". Podedes volver a escoitala seguindo este musicograma. Fai clik aquí.

Historia da Música en comic!

2010-10-18T21:39:00.004+02:00

Fai tempo Vicente, o profe de debuxo de secundaria que sempre me descubre cousas moi interesantes, pasoume este libro de Historia da Música en comic que me encantou...agora atopeino pola rede en formato de libro interactivo e quero compartilo cas nenas e nenos de sexto que están comezando a estudiar as épocas histórico-musicais. Agardo que vos guste!

Fai clik aquí e sumérxete!

Corda pulsada

2010-10-18T21:24:00.002+02:00

Seguimos con máis recursos...desta volta tócalle o turno á corda pulsada...escoita os seus sons...

Corda fretada

2010-10-18T21:23:00.003+02:00

Outro poster con instrumentos de corda fretada...recordas cantas cordas teñen? con que se fretan? cales son as súas partes? podedes deixar os vosos comentarios!

Guido d´Arezzo

2010-10-18T21:21:00.002+02:00

Acabo de atoparme con este poster interactivo dunha mestra de música de Cartaxena que se chama Lola Villalba. Fai clik no apartado de "Investiga" e demostra todo o que sabes...

Os músicos máis pequenos!

2010-10-12T22:44:00.004+02:00

A entrada de hoxe vai adicada aos músicos máis pequenos do noso Recuncho Musical; son as nenas e nenos de 1º que teñen moitas ganas de aprender un montón de cousas e non vamos a desaproveitar esta oportunidade!! Estes días visitaron a Aula de Música tan chuli que temos no cole e encantoulles...viron todos os instrumentos e como non, tocáronos...pasámolo en grande! En breve colgarei as fotos dese momento pero mentras tanto podedes ver que aplicados estaban traballando nunha ficha sobre os instrumentos de percusión.

Comezamos un novo curso!!

2010-09-23T11:38:00.007+02:00

Ola de novo e benvid@s a un novo curso para o que temos moitas cousiñas preparadas así que agardo que cargárades ben as pilas no verán e poñades todo o voso interese en aprender moitas máis cousas de Música. Deíxovos unhas actividades interactivas para que poidades comezar a entrenar a cabeciña e a poñades a punto para o curso!!

Fai clik aquí para acceder ás diferentes actividades que nos propoñen os personaxes da ópera A Frauta Máxica de Mozart e comproba o teu nivel.

E aquí tedes máis. Lasifami, a protagonista lévanos de viaxe polo Castelo da Música para mostrarnos moitas cousas. Fai clik aquí e verás!

Ata pronto!!

2010-06-22T19:53:00.007+02:00

Pois chegou a hora da despedida aínda que as vacacións non sei que teñen que pasan voando!! Agardo que vos divertírades moito e aprendérades moitas cousiñas de Música...tamén agardo que non as esquezades no verán!!

Recordade que tedes que gardar a libreta para o próximo curso pois hai que aproveitala, seguide practicando coa flauta...tedes partituras novas que non deu tempo a montalas.

Desde o Recuncho Musical quero felicitar as nenas e nenos de 5º e 6º que representaron a obra de inglés esta mañá...todo un éxito! Quen sabe se teremos algún futuro actor ou actriz profesional entre nós! O fixéchedes xenial!! Todas as horas de traballo e esforzo...e os recreos! que tanto ensaiáchedes tiveron a súa recompensa así que NORABOA!!

Deíxovos un video de despedida que fixeron os nenos de 5ºB. Disfrutade do verán! Por certo a ilustración que acompaña este post é de Leandro Lamas...un home que fai cousas fermosísimas.

Moitos bicos para tod@s!! Muuuuuaaaaaa!

Para os fans de Tic Tac

2010-06-19T12:44:00.006+02:00

Como sei que neste cole hai moitos fans do libro-disco Tic Tac do meu amigo Pablo Díaz deíxovos uns videos da presentación que fixo na FNAC na que estivéchedes algúns de vós e os que non disfrutádeos!! Con Pablo estivo toda a xente que colaborou no disco e foi unha tarde moi fermosa pero os que non faltaron foron os grandes protagonistas...as nenas e nenos!

Eu teño oito anos e chámome Antón...

A choiva

No mar

Tic, Tac

Máis cousiñas de "Los chicos del coro"

2010-06-19T12:16:00.005+02:00

Despois do éxito de "Los chicos del coro" aquí tedes un material moi interesante feito por unha profe xenial de Cantabria que se chama María Jesús Camino e os seus alumnos con material para que cantedes, toquedes e sobre todo vos divirtades moito... Fai clik aquí.

Los chicos del coro

2010-06-01T12:44:00.006+02:00

Nas próximas sesións veremos a película "Los chicos del Coro" do director francés Christophe Barratier. Fálanos da infancia, a amizade e a ensinanza e o importante que é tratar ben aos demáis para sacar o mellor deles mesmos. Frente aos métodos abusivos e violentos do seu director o novo vixilante cambiará a vida de todos eles empregando a Música como ingrediente para destilar un novo perfume cargado de afectividade, comprensión e solidariedade. Unha película que non vos cansaredes de ver e que recomendo a todos! Estade atentos e non perdades ningún detalle!

Podedes ver o trailler da película...

A música da película é de Bruno Coulais. Aquí tedes o tema principal da peli...

Exposición galega

2010-05-18T16:05:00.005+02:00

A semana pasada celebramos as Letras Galegas no cole con moitas actividades dentro e fora das aulas e unha delas foi a exposición galega que fixemos entre todos...temos que agradecer a colaboración de todas as persoas que colaboráchedes traendo cousiñas das vosas casas e en especial a Candela Castro e Arancha Concherio que cederon os seus traxes para a exposición.
Foi unha actividade ben fermosa que aínda poderedes desfrutar durante os próximos días.

Deíxovos algunhas fotos...

Semana das Letras Galegas

2010-05-11T12:02:00.006+02:00

O día das Letras Galegas

A celebración do día das Letras Galegas, cada 17 de Maio, foi instituída no ano 1963 pola Real Academia Galega para conmemorar a publicación do libro de Rosalía de Castro " Cantares Gallegos", un 17 de Maio de 1863 e homenaxear a algún escritor ou escritora en lingua galega.

"Cantares Gallegos", está considerada como a obra literaria que inicia o "Rexurdimento" da literatura e da cultura galega moderna.

A proposta de celebrar ese Día foi formulada por tres membros da Real Academia Galega, Manuel Gómez, Xesús Ferro Couselo e Francisco Fernández del Riego.

A primeira escritora homenaxeada, no ano 1963, foi a mesma Rosalía de Castro seguíndolle en anos posteriores: Alfonso Castelao, Eduardo Pondal, Francisco Añón, Curros Enríquez, López Cuevillas...

A Real Academia Galega celebrou o pasado 2006 os seus cen primeiros anos de historia.

Fontenla Leal e Manuel Curros Enríquez, dende Habana, deron os primeiros pasos para a creación dun organismo que loitara pola lingua e a cultura galega e así, un 30 de setembro de 1906 celebrouse no salón de actos da Reunión Recreativa e Instructiva de Artesanos da Coruña a constitución e primeira reunión da Real Academia Galega.

A primeira sede foi no Pazo Municipal de A Coruña, pasando posteriormente a un edificio da Rúa Tabernas, propiedade dunha das académicas, a condesa de Pardo Bazán.

O seu primeiro presidente foi Manuel Murguía, marido de Rosalía de Castro.

Dende o ano 2010 a presidencia é exercida por Xosé Luís Méndez Ferrín.

Día das Letras Galegas 2010 adicado a Uxío Novoneyra

Como xa sabedes, esta semana estamos traballando as Letras Galegas que este ano están adicadas a Uxío Novoneyra.
Uxío Novoneyra, poeta do Courel, é a representación máis xenuína da denominada Segunda Xeración de Posguerra, que agrupou, na década dos cincuenta, a autores de significada tendencia galeguista. A súa poesía foi evolucionando ao longo do tempo enmarcándose, parte dela, na denominada “poesía da terra”, sendo o seu ciclo de poemas coureláns auténticos documentos dun gran valor cultural e antropolóxico.

Actividades en liña:
1º Ciclo
2º Ciclo
3º Ciclo

Estamos preparando unha exposición de temática galega e traballando o Himno Galego.
Déixovos o karaoke para que poidades practicar. A cantar....

Escola de Música Increscendo en O Temple (Cambre)

2010-05-07T22:41:00.003+02:00

Para ampliar as imaxes só tes que facer clik enriba delas.

Conservatorio Culleredo

2010-05-07T22:15:00.007+02:00

Continuamos publicando informanción sobre escolas e conservatorios que poden interesarvos; desta volta o Conservatorio de Culleredo. Nos próximos días actualizaremos os prazos de matrícula e preinscripcións.

Conservatorio profesional de música de Culleredo

R/ Andrés Pan Vieiro, nº 30, Acea de Ama - O Burgo - Culleredo

Teléfono: 981 66 12 08 Fax: 984 65 46 44

Correo electrónico: conservatorio@culleredo.org

Horario administrativo:

De 08:30 a 14:45 horas

Horario lectivo:

De 15:00 a 22:00 horas

O Conservatorio profesional de música de Culleredo respondendo ao plan de estudos da LOXSE imparte os graos elemental e medio con especialidades en:

acordeón, canto, contrabaixo, clarinete, oboe, frauta, guitarra, piano, saxofón, trompa, trompeta, trombón, violín, viola, violonchelo.

Así mesmo oferta dous cursos en iniciación musical.

Iniciación:

Idade de ingreso:

Iniciación I: 6 anos cumpridos antes do 31 de decembro.
Iniciación II: 7 anos cumpridos antes do 31 de decembro.

A duración das clases será de dúas horas semanais repartidas en dous días.

Grao elemental:

A idade mínima de acceso ao grao elemental é de 8 anos (cumpridos antes do 31 de decembro) e a máxima é de 14 anos.

Grao medio:

Non hai límite de idade

ACCESO A 1º DE GRAO ELEMENTAL

Para acceder a 1º de grao elemental o candidato terá que superar unha proba para avaliar as súas aptitudes musicais. Para a realización desta proba non é necesario ter coñecementos musicais.

Incluirá os seguintes aspectos:

Exercicios para avaliar a aptitude rítmica.
Exercicios para avaliar a aptitude auditiva e vocal.
Exercicios para avaliar a aptitude de psicomotricidade.

ACCESO A 2º, 3º E 4º DE GRAO ELEMENTAL :

Calquera poderá acceder a calquera outro curso de grao elemental sen que superara os anteriores cursos sempre que súa idade estea dentro dos límites establecidos e supere a correspondente proba de acceso (e sempre que existan prazas vacantes na especialidade que se solicite).

A proba consistirá en:

Exercicio de interpretación no instrumento da especialidade que elixira.
Exercicio de linguaxe musical.

ACCESO A 1º DE GRAO MEDIO

Poderase acceder a calquera curso de grao medio superando a correspondente proba e sempre que existan prazas vacantes na especialidade que se solicite.

DISTRIBUCIÓN DAS MATERIAS:

Grao elemental:

1º Curso: Linguaxe Musical, Música Activa e Instrumento
2º Curso: Linguaxe Musical, Coro e Instrumento
3º Curso: Linguaxe Musical, Coro e Instrumento
4º Curso: Linguaxe Musical, Audicións comentadas e Instrumento

Grao medio

1º Curso: Linguaxe Musical, Piano complementario (agás pianistas), Orquestra, (agás guitarristas e pianistas) e Instrumento
2º Curso: Linguaxe Musical, Piano complementario (agás pianistas), Orquestra (agás guitarristas e pianistas) e Instrumento
3º Curso: Harmonía, Piano complementario (agás pianistas), Orquestra (agás guitarristas e pianistas), Coro (só alumnado de acordeón, guitarra e piano), Música de cámara e Instrumento
4º Curso: Harmonía, Piano complementario (agás pianistas), Orquestra (agás guitarristas e pianistas), Coro (só alumnado de acordeón, guitarra e piano), Música de cámara e Instrumento
5º Curso: Harmonía, Fundamentos de composición ou análise, Orquestra (agás guitarristas e pianistas), Música de cámara, Acompañamento (só pianistas), Instrumento e Optativas (Coro ou Informática)
6º Curso Harmonía, Fundamentos de composición, Orquestra (agás guitarristas e pianistas), Música de cámara, Acompañamento (só pianistas), Historia da música, Instrumento e Optativas (Coro ou Informática)

OUTRAS ACTIVIDADES:

Concertos didácticos: As concellarías de Educación e Cultura organizan conxuntamente estes concertos.
Concertos do alumnado: Celebraranse ao longo do curso coa participación de todos os/as alumnos/as co fin de favorecer a súa capacidade para interpretar en público.
Festividade de Santa Icía: Pretende reunir a toda a comunidade educativa en torno a unha serie de actos que se celebran co motivo da festividade da patroa da música.
Master Class: O programa de clases maxistrais establécese co propósito de dar ao estudantado e a comunidade en xeral a oportunidade de compartir cos grandes mestres coñecementos musicais.
Cursos de verán: Proponse unha variada oferta para o periodo estival, dirixido tanto para alumnos/as de grao elemental e medio como para persoas afeccionadas en xeral.

Matrícula Escolas de Música

2010-05-05T12:43:00.008+02:00

Os que queirades matricularvos nalgunha escola de música para o próximo curso tedes que estar atentos pois nos próximos días ábrense os prazos de preinscripción.
Deíxovos a información que irei actualizando estes días... animádevos!

Escola Municipal de Música A Fábrica de Oleiros
Rúa do Inglés s/n. 15172 Oleiros :: Telf 981.639.143 / Fax: 981.639.592

7-21 MAIO :Renovación Matrícula.

Instrumento: Renovación de matrícula dos alumnos de instrumento oficiais do curso 2009-2010 tanto de instrumento como de Música e Movemento.
Música e Movemento: Renovación dos alumnos que permanezan nesta disciplina de Música e Movemento / Renovación dos alumnos de Música e Movemento que pasan á disciplina de instrumento. A reunión cos pais sera o mércores 12 de maio ás 20:00h.

25 MAIO: Publicación de prazas.

26-28 MAIO: Preinscripción para Música e Movemento.

A preinscripción farase por orde de chegada.
A preinscripción non garante a adxudicación de prazas.

1-2 XUÑO: Preinscripción para Instrumento.

A preinscripción farase por orde de chegada.
A preinscripción non garante a adxudicación de prazas.

9 XUÑO: Adxudicación de prazas e lista de espera.

A publicación de prazas e a Lista de espera publicarase no tablón de anuncios da Escola Municipal de Música de Oleiros (en administración)

10-25 XUÑO: Prazo de Matrícula.

A matrícula e asignación de prazos dependerá das vacantes das que a escola dispoña no mes de maio.
Para efectuar a matrícula sería necesario aportar:

Fotocopia do Libro de Familia ou DNI.
Certificado de empadronamento.
Unha foto tamaño carnet.

Como se fai unha canción?

2010-05-01T20:28:00.009+02:00

O pasado mércores as nenas e nenos de 2º ciclo tivemos a sorte de asistir a un concerto didáctico moi divertido. Como se fai unha canción? é o título do espectáculo onde tres exploradores chegan a unha illa na procura dun tesouro...a música e alí teñen que ir descubrindo as pistas que os axudarán a entender como se fai unha canción. Coa axuda do público Calderón, Contratempo e a señorita Anacrusa resolven o enigma; melodía, letra, ritmo, instrumentos, armonía e arranxos son os ingredientes necesarios para cociñar un pouco de música.

A compañía encargada de facernos disfrutar tanto é L´harmónica invisible, unha formación catalana especializada en concertos para escolares. As cancións,textos e decorado son feitos por eles.

Se queredes coñeceder un pouquiño máis sobre esta compañía e os seus espectáculos preme aquí.

As fotiños da chegada ao recinto...

Aquí tedes un video de fin de festa...como veredes, un auténtico éxito. Recordades a letra?

Ya llegamos hasta aquí

venimos a descubrir,

un tesoro musical

para así poder cantar.

Con la voz y el corazón

instrumentos y emoción,

explorar para aprender

como se hace una canción.

E unha sorpresiña final...Angel, Esteve e Andy envíanvos un saudiño moi especial... :)

Novo repertorio para cantar!

2010-03-16T16:43:00.011+01:00

Ola a todos! Despois duns días de moito axetreo recuperamos a actividade no Recuncho Musical. En todos os cursos estamos aprendendo novas cancións. Para o terceiro ciclo aquí tedes as pezas que vos tocaron. Ensaiade moito! ;)

San Antón

Este é o camiño que me leva a San Antón,
un caminiño cheo de pedras e de amor.

Hai un cruceiro vello alí
e a xente vai falar sempre do seu amor.

Este é o camiño que me leva a San Antón,
un caminiño cheo de pedras e de amor.

Agora eu sei que quero unha muller
que vai para San Antón tamén;
Os seus pasiños van diante de min.
E no seu tenro e doce camiñar
vai inspirando este cantar,
San Antoniño deume a quen amar.

Este é o camiño que me leva a San Antón,
un caminiño cheo de pedras e de amor.

Este camiño vai lembrar o noso amor,
e cando fomos xuntiños para San Antón.

E aquel cruceiro ollando ó mar
vaille contar o qué pasou co noso amor.

Este é o camiño que me leva a San Antón,
un caminiño cheo de pedras e de amor.

O tren

O tren que me leva pola beira do Miño,
me leva e me leva polo meu camiño.
O tren vai andando pasiño a pasiño
e vaime levando cara o meu destiño.

Alguén pode ser que me espere na estación,
na terra da felicidade.
E todo o que sexa amor e paz
o atoparei, eu o terei
ca miña moza no meu lar.

O tren que me leva camiña e camiña,
vai botando fume, corre pola vía.
O río vai feito un mar de ledicias,
no tren pouco a pouco volto á miña Galicia.

Pasei moito tempo sen lar, lonxe de aquí,
foron mil noites cheas de soidá;
falando ca xente polas mañás
escoitarei e saberei
o que pasou polo meu lar.

Marchamos a Hawai!

2010-03-08T22:52:00.003+01:00

Ilustrando o Tic Tac

2010-03-06T17:32:00.006+01:00

Os nenos de 1º tamén son uns grandes ilustradores!! Fixeron o seu debuxo para a canción "O Reloxo de Alberte" do disco libro Tic Tac que tanto nos gusta. Cada un libremente fixo a súa composición artística e agora montamos un museo improvisado nos corchos do pasillo para poder observar as obras artísticas das compañeiras e compañeiros. Agardamos que vos guste!

César e a súa guitarra...

2010-03-06T15:35:00.011+01:00

En 2º estamos coñecendo moitas cousas dos instrumentos de corda...xa vimos a familia de corda fretada e agora estamos aprendendo moito sobre os instrumentos de corda punteada; entre eles está a guitarra que como xa vimos na clase pode ser clásica ou eléctrica. César troúxonos a súa guitarra eléctrica e contounos algunhas cousas sobre ela...e todos tocamos a guitarra eléctrica! Pasámolo xenial! Grazas César!

Concerto Didáctico "Diario dunha pulga"

2010-03-05T12:07:00.010+01:00

Este martes asistiremos a un concerto didáctico baixo o título de "Diario dunha pulga". O guión está escrito e será narrado polo guionista, cómico e mago coruñés Luis Piedrahita. A OSG será a encargada de ilustrar musicalmente a historia coa fermosísima obra "O Carnaval dos Animais" do compositor Camille Saint- Saëns ao que xa lle adicamos un post anterior en Recuncho Musical (vai ao menú da dereita "Categorías" e fai clik en "Compositores").

A historia que vades a escoitar

Diario dunha pulga conta as peripecias de Sara Sarcopsila, unha pulga que quere ir a esquiar a Baqueira Beret. No seu diario vai recollendo a viaxe que fai a redor do mundo, saltando de animal en animal. Esta viaxe convértese nun percorrido musical, enlazando as distintas pezas do Carnaval dos Animais.

(Na foto Luis Piedrahita)

A obra que disfrutaredes: O Carnaval dos Animais

Camille Saint- Saëns aproveitou unhas vacacións en Austria para escribir esta obra. As diferentes pezas que configuran esta "fantasía zoolóxica" levan nomes de animais. Pensou nesta obra como unha broma musical na que parodiaba aos intérpretes (pianistas), críticos (personaxes de longas orellas) e compositores (tartarugas, elefantes, fósiles...). Somentes foi interpretada en público un par de veces pois Camille non quería ferir coas súas caricaturas musicais; dixo que mentres él vivise non se interpretaría máis en público nin se copiarían as súas partituras. E así foi, pois a terceira interpretación pública non chegou ata tres meses despois da súa morte.

Os instrumentos que vades a ver (fai clik na imaxe para vela máis grande)

O que debes averiguar

Teredes que resolver algúns enigmas. Non precisaredes lupa pero si precisarás a mente despexada para pensar, lapis para tomar notas, libros, enciclopedias...onde buscar datos sobre o compositor. Deberedes responder no voso caderno e presentalo na próxima sesión de música que teñamos.

1º Enigma

Camille Saint- Saëns naceu en París en 1835. Viviu 86 anos. Sabes se lle gustou desde sempre ou tardou en estudar música? Averigua que idade tiña cando deu o seu primeiro concerto.

2º Enigma

Foi un home moi famoso, por iso coñecemos distintos relatos seus. Cal sería o seu aspecto cando compuxo O Carnaval dos Animais? Investiga en que ano foi e, cando o saibas, poderás escoller entre estes o retrato que se corresponda.

3º Enigma
Camille Saint- Saëns tivo a sorte de participar en importantísimos acontecementos. En 1895 os irmáns Lumiére proxectaron a primeira da historia. Poucos anos máis tarde, en 1908, a Don Camille propuxéronlle que compuxera música para unha película. Era a primeira vez que se lle pedía a un músico algo así ¡aos seus 73 anos!. Daquela, nas salas de proxección sempre había un piano ou unha pequena orquestra, instrumentos que se tocaban durante a proxección.. O cine mudo soaba con música en directo. Era necesaria a música para disimular os ruídos da proxección. A Camille encargáronlle música para unha daquelas películas. E preparou partituras, que precisamente neste outono pasado foron interpretadas no Festival de Cine de Valladolid acompañando a proxección desta película.. Averigua o título da película que Don Camille imaxinou con música.

Se che gusta poderás repetir!

E xa para rematar comentarvos que se vos gusta o concerto poderedes asistir o sábado con quen queirades en horario de mañá. Na seguinte imaxe aparecen os concertos en familia aos que podedes asistir e o custo das entradas (fai clik na imaxe para vela máis grande).

Tamén tedes á venda o libro de Luis Piedrahita que inclúe un cd coa música que vades a escoitar o martes. A disfrutar!!

Fai clik aquí para obter máis información sobre o libro.

Videos

Aquí tedes uns videos para que disfrutedes da música deste xenial Camille!

Introdución e Marcha Real do León
Pitos e galiñas
Hemións
Tartarugas
Elefante
Canguros
Acuario
Personaxes de longas orellas
O Cuco na profundidade do bosque
Paxareira
Pianistas
Fósiles
O Cisne
Final

Unhas fotiños do concerto para que disfrutedes...

2010-02-21T19:09:00.003+01:00

A nena e o grilo

Magín Blanco & Iván Prieto

20 € | 978-84-9871-259-9

libro + CD | 64 páxs. | cartoné | 13x19 cm |

xaneiro 2010

Estas cancións aloumiñan os oídos, pero tamén contan historias. Falan dun país onde as portas sempre están abertas e ninguén se sente estranxeiro. Alí viven unha nena azul e mais un grilo que, para escapar do aburrimento, inventan mil pasatempos.

A nena e o grilo é o novo libro-CD que agora ve a luz dentro da colección máis musical de OQO editora, Q son. Un mosaico de textos, cancións e debuxos conforman este volume no que o coñecido compositor Magín Blanco se encarga de encaixar todas as pezas.

Mais o músico ourensán non está só, nesta aventura acompáñano as carismáticas e persoalísimas voces de Uxía, Fred Martins, Guadi Galego, Ugia Pedreira… e ata un coro de nenos. Eles poñen a música, e Iván Prieto, as imaxes.

O ilustrador galego utiliza unha multitude de recortes con diferentes tonalidades e texturas para as imaxes. A aposta de Prieto pola colaxe débese a que é a técnica que mellor lle acae a esta historia híbrida e heteroxénea. Ademais, decántase por unha estética actual, e sitúa as aventuras dos protagonistas no marco da cidade, onde explota elementos urbanos como a publicidade, ou os carteis.

A linguaxe, alén de ser un dos eixos temáticos de A nena e o grilo, goza dun protagonismo especial dentro das páxinas. Unhas veces, Iván Prieto resalta as palabras mediante a tipografía e outras, nun intento por integrar o texto nas ilustracións aproveita certos espazos das imaxes como contedores textuais: unha pinga de auga, o ubre dunha vaca, o tronco dunha árbore…

A nena e o grilo é o resultado do labor conxunto de moitas persoas que cren que calquera traballo para os nenos e nenas debe ser tratado con esmero e coidado tanto no apartado das imaxes, coma no musical, os arranxos na produción e na interpretación.

Esta atención máxima resulta imprescindible para un proxecto que está pensado para conectar a escola coa vida e adoptar unha actitude crítica e construtiva a prol de valores básicos ―respecto pola natureza, liberdade, solidariedade, afecto, convivencia, identidade, amizade...― . Para iso, precísase un sistema de valores compartidos e de materiais que se poidan integrar dentro dos procesos de aprendizaxe.

Dun xeito sinxelo, delicado e sutil, a historia de amizade entre a nena e o grilo descobre dimensións determinantes da existencia e abre horizontes positivos e ilusionados, na construción de nós mesmos e a sociedade.

Estamos ante unha obra ambiciosa e cosmopolita que invita a ter fe na vida e nos outros a través dunhas cancións que reparten aloumiños a eito e amosan un mundo inconformista nas letras e unha concepción musical orixinal e esixente para nenos e nenas de todas as idades.

Ao mesmo tempo, é un material, para todos os que traballan e apostan por un ensino aberto, innovador e significativo, no marco dos problemas e os cambios sociais que teñen lugar na realidade.

En conclusión, un chisquiño de mel neste mundo egoísta e feroz que habitamos. Para fuxir do frío e sentirse moradores no verdadeiro País das Apertas porque as cancións de Magín Blanco son, tanto pola melodía como pola letra, para degustar en familia, nas festas, entre amigos.

Texto de Magín Blanco
Ilustracións de Iván Prieto

Letra e música de Magín Blanco, Uxía e João Afonso

Colaboran: Uxía, Ugia Pedreira, Guadi Galego, Fred Martins, Guillermo Fernández…

Produción artística e musical: Uxía

Se queredes escoitar ao seu autor nuha entrevista facede clik aquí e tamén podes visitar o seu myspace.

2010-02-21T18:55:00.003+01:00

No CEIP de Palmeira fan cousas moi interesantes e aquí tedes un exemplo. Os cadernos de traballo do Rato Paco, un rato moi divertido co que podemos aprender mentras xogamos; teñen moitas actividades de música e de outras materias e o mellor de todo...compártenas para que todos poidamos disfrutalas.

Facede clik aquí e accederedes ao espazo da súa páxina web. Deixade o voso comentario, vale?

Piano

2010-02-07T18:06:00.004+01:00

Preme aquí e toca o piano! Se queres xogar preme aquí!

Dramatizando a Brahms!

2010-02-06T10:25:00.001+01:00

O seu nome é Johannes Brahms . Naceu en Hamburgo en 1833 e morreu en Viena en1897) .Foi pianista e compositor alemán de música clásica do Romanticismo

O seu pai tocaba o contrabaixo pero él quixo tocar o piano. Comezou a traballar moi novo tocando o piano en restaurantes.

Brahms ofreceu moitos recitais de piano pero non tivo moito éxito. Grazas a un músico ben coñecido daquela, o señor Robert Schumann que dirixía unha revista especializada en música conseguíu que os críticos e empresarios se fisaxen nel, o que fixo que Brahms se convertise nun compositor coñecido e aprezado naquela época.

Marchou a vivir á cidade de Viena onde adicou trinta anos da súa vida a compoñer música.

Brahms era considerado por moita xente como o sucesor de Beethoven por iso cando compuxo a súa primeira sinfonía recibiu o sobrenome de Décima Sinfonía de Beethoven (recordade que Beethoven compuxera nove sinfonías). Sentíu unha gran admiración por Beethoven, Mozart ou Haydn, de feito colecionaba partituras e autógrafos dos compositores. Aínda que pertence á época musical do Romanticismo tamén está considerado un dos compositores máis clásicos do Romanticismo debido á influencia que os autores desa época imprimiron na súa música.

Brahms era un home moi perfeccionista por iso tardaba tanto tempo en rematar as súas obras. Foi considerado un dos grandes compositores da súa época.

Morreu cando tiña sesenta e catro anos na cidade de Viena

Entre as súas obras destacan as Danzas Húngaras, un conxunto de vinte e unha danzas inspiradas en temas húngaros. Foron compostas para tocar con piano a catro mans pero pouco a pouco foi arranxando algunhas para piano ou orquestra. Quizáis de todas as Danzas Húngaras, a número cinco é a máis coñecida.

E precisamente esa foi a Danza Húngara nº5 que traballamos na sesión desta semana. Convertémonos en panadeiros que fan pan e mediante unha dramatización da obra aprendemos a diferrenciar as diferentes partes que forman esta peza.

Deixo unhas fotiños de cada unha das clases para que vexades que ben o pasamos e canto rimos...pero tamén aprendemos... a que si?

Cantamos pola Paz

2010-01-29T13:21:00.002+01:00

Hoxe conmemoramos o Día Escolar pola Paz. Esta tarde faremos algunhas actividades no cole nas que levamos ensaiando algún tempo.
Deixo videos para cantar!

Georges Bizet

2010-01-25T12:11:00.004+01:00

Georges Bizet naceu en París e era fillo de pais músicos. O seu talento musical descubriuse decontado: aos catro anos sabía ler partituras, e aos dez, foi admitido como alumno no Conservatorio de PArís, aínda que non alcanzara a idade mínima estipulada para acceder a el. Estudou piano, órgano e composición, destacando en todas estas disciplinas.
Aínda que Bizet só viviu 36 anos, dentro da súa reducida produción musical tivo unha especial dedicación pola ópera. A súa ópera máis coñecida, Carme, foi precisamente a última que escribiu xa que morreu tres meses despois da súa estrea.

A ópera Carme

Está baseada na novela CArme, do escritor francés Prospère Mérimée. Bizet púxolle música, converténdoa así nunha das óperas máis famosas de todos os tempos.
A obra desenvólvese en catro actos e está ambientada a principios do século XIX na cidade de Sevilla. Carme, unha fermosa xitana que vende cigarros, namórase de Don Xosé, un aposto militar que, aínda que ao principio non lle corresponde, remata caendo nas súas redes...aínda que demasiado tarde, porque Carme namórase de Escamillo, o toureiro de moda daquela.
A historia remata dun xeito moi tráxico. Don Xosé suplica a Carme o seu amor, pero esta rexéitao. Don Xosé, levado polos celos, mata a Carme dunha puñalada.

Tic Tac de Pablo Díaz

2010-01-18T15:45:00.013+01:00

Este Nadal recibín un agasallo ben fermoso. Trátase do libro-disco Tic Tac do meu querido amigo Pablo Díaz. Un disco-libro publicado pola editorial Kalandraka no que as cancións de Pablo se reflexan nas fermosas ilustracións de Marc Taeger.

É o primeiro traballo en solitario deste músico e artista que foi quen de compoñer melodías e letras para un público tan esixente como sodes os nenos.

Tic Tac invítanos a viaxar polo imaxinario no que os crocodilos se namoran, os trasnos e os ruiseñores bailan ao seu antoxo ou no que os mouchos están choscos.

Pero a música de Tic Tac é para oir e mirar pois o cd está acompañado por un libro coas letras das cancións e as orixinais ilustracións de Marc.

Fai uns anos a música para nenos en galego era case inexistente pero pouco a pouco os estantes das librarías estanse enchendo de música infantil e feita en galego así que non desaproveitedes esta oportunidade que tedes para soñar, aprender e divertirvos.

Agora tedes a oportunidade de desfrutar desta xoia musical pois estes días traballaremos as cancións nos primeiros cursos de primaria. Tic tac nace para todos vos,para que cantedes e bailedes, para que vexades que nada é imposible e que somentes hai que imaxinalo.

Á esquerda, Marc Taeger e Pablo Díaz.

Queredes escoitar Tic Tac? Facede clik aquí e poderedes escoitar algunhas pezas.

Aquí deixo este video para ir abrindo boca así que a cantaaarrrrrrrrrr!!!

Tic Tac nas nosas aulas:

Ampliamos o Karaoke!!

2010-01-09T14:44:00.007+01:00

Parece que a nosa sección de Karaoke do noso Recuncho Musical está sendo un éxito. Lucía de 5ºB pedíume que posteara a canción de "Colgando en tus manos"...pois ahí vai, o videoclip orixinal, o vídeo coa letra e o vídeo do karaoke.

Podédesme axudar a ampliar o karaoke e iremos colgando os videos pouco a pouco; desta maneira cando fagades clik en Karaoke estarán todos xuntos.

A cantaaaaaaaarrrrrrr!!!

Bo Nadal!

2009-12-27T20:53:00.005+01:00

Que tal de vacacións? Seguro que estades encantad@s!

Aquí deixo un video para que riades un pouco!!! Podedes intentalo vos facendo clik debaixo do video. Moitos bicos a tod@s e desexo que o novo ano veña cargado de cousiñas fermosas para vos e as vosas familias!

Send your own ElfYourself eCards

Animusic

2009-12-06T17:58:00.016+01:00

Chegou a hora de descubrir á famosa máquina de música posteada a semana pasada. Moitos de vos dixéchedes que o video non era real e efectivamente!

O que víchedes nese video foi unha animación en 3D con música, todo creado con ordenador (música e imaxe). Resulta moi curioso a maneira tan espectacular na que a música e a imaxe van collidas da man posto que ata os sons máis discretos están representados por algunhas das máquinas- instrumentos da animación...cada vez que os miredes descubriredes novos detalles...seguro!

Trátase dunha compañía americana chamada ANIMUSIC que emprega música pop e rock maioritariamente para as súas montaxes. A compañía ten editados 2 dvds: Animusic (2004) e Animusic 2 (2005) e na actualidade estase á espera de que se publique Animusic 3.

Aquí tedes os trailers de Animusic e Animusic 2 :

Podedes visitar a súa web e descubrir máis cousiñas sobre a compañía e a próxima edición de Animusic 3, veredes fotos dos creadores e do lugar no que traballan así como algúns dos videos recollidos nos dous volumes de Animusic editados ate o momento. Só tes que facer clik aquí para acceder; a páxina está en inglés así que poderás practicalo.

Para ver máis videos fai clik en Animusic ou Animusic 2.

Agardo que os disfrutedes!!

O Frautista de Hamelín

2009-12-06T12:36:00.015+01:00

Nun comentario pedíchedes que puxera algún post sobre o Frautista de Hamelín. Pois ben, o conto foi escrito polos famosos irmáns Grim, Jacob e Wilhem e basáronse nunha lenda que ocorreu na cidade alemana de Hamelím alá polo 1824.
Pola rede atopei unha das múltiples versións que ten este conto e que posteo a continuación.

Esta é a historia...

"Hace mucho, muchísimo tiempo, en la próspera ciudad de Hamelín, sucedió algo muy extraño: una mañana, cuando sus habitantes salieron de sus casas, encontraron las calles invadidas por miles de ratones que merodeaban por todas partes, devorando, insaciables, el grano de sus repletos graneros y la comida de sus bien provistas despensas.

Nadie acertaba a comprender la causa de tal invasión, y lo que era aún peor, nadie sabía qué hacer para acabar con tan inquietante plaga.

Por más que pretendían exterminarlos o, al menos, ahuyentarlos, tal parecía que cada vez acudían más y más ratones a la ciudad. Tal era la cantidad de ratones que, día tras día, se enseñoreaba de las calles y de las casas, que hasta los mismos gatos huían asustados.

Ante la gravedad de la situación, los prohombres de la ciudad, que veían peligrar sus riquezas por la voracidad de los ratones, convocaron al Consejo y dijeron: “Daremos cien monedas de oro a quien nos libre de los ratones”.

Al poco se presentó ante ellos un flautista taciturno, alto y desgarbado, a quien nadie había visto antes, y les dijo: “La recompensa será mía. Esta noche no quedará ni un sólo ratón en Hamelín”.

Dicho esto, comenzó a pasear por las calles y, mientras paseaba, tocaba con su flauta una maravillosa melodía que encantaba a los ratones, quienes saliendo de sus escondrijos seguían embelesados los pasos del flautista que tocaba incansable su flauta.

Y así, caminando y tocando, los llevó a un lugar muy lejano, tanto que desde allí ni siquiera se veían las murallas de la ciudad.

Por aquel lugar pasaba un caudaloso río donde, al intentar cruzarlo para seguir al flautista, todos los ratones perecieron ahogados.

Los hamelineses, al verse al fin libres de las voraces tropas de ratones, respiraron aliviados. Ya tranquilos y satisfechos, volvieron a sus prósperos negocios, y tan contentos estaban que organizaron una gran fiesta para celebrar el feliz desenlace, comiendo excelentes viandas y bailando hasta muy entrada la noche.

A la mañana siguiente, el flautista se presentó ante el Consejo y reclamó a los prohombres de la ciudad las cien monedas de oro prometidas como recompensa. Pero éstos, liberados ya de su problema y cegados por su avaricia, le contestaron: “¡Vete de nuestra ciudad!, ¿o acaso crees que te pagaremos tanto oro por tan poca cosa como tocar la flauta?”.

Y dicho esto, los orondos prohombres del Consejo de Hamelín le volvieron la espalda profiriendo grandes carcajadas.

Furioso por la avaricia y la ingratitud de los hamelineses, el flautista, al igual que hiciera el día anterior, tocó una dulcísima melodía una y otra vez, insistentemente.

Pero esta vez no eran los ratones quienes le seguían, sino los niños de la ciudad quienes, arrebatados por aquel sonido maravilloso, iban tras los pasos del extraño músico.

Cogidos de la mano y sonrientes, formaban una gran hilera, sorda a los ruegos y gritos de sus padres que en vano, entre sollozos de desesperación, intentaban impedir que siguieran al flautista.

Nada lograron y el flautista se los llevó lejos, muy lejos, tan lejos que nadie supo adónde, y los niños, al igual que los ratones, nunca jamás volvieron.

En la ciudad sólo quedaron sus opulentos habitantes y sus bien repletos graneros y bien provistas despensas, protegidas por sus sólidas murallas y un inmenso manto de silencio y tristeza.

Y esto fue lo que sucedió hace muchos, muchos años, en esta desierta y vacía ciudad de Hamelín, donde, por más que busquéis, nunca encontraréis ni un ratón ni un niño."

Como xa sei que os videos gustan moito, deixo este video que resume a historia deste clásico:

Queredes escoitar a melodía que tocaba o flautista de Hamelín?

Rodolfo, o reno.

2009-12-05T11:56:00.005+01:00

Xa comezamos a preparar o Festival de Nadal!
Estes días no primeiro ciclo estamos aprendendo "Rodolfo, el reno", unha peza moi divertida que nos encanta!!
Xa podedes ensaiar con estes videos e coa fichiña que entregamos na clase (algunhas versións non comparten a mesma letra pero nos cantaremos a que temos na nosa ficha).
Recordade que temos que saber moi ben a letra!
Bicos Rodolf@s!

O corpo é un instrumento!

2009-12-02T12:07:00.002+01:00

E aquí tedes a proba de que é verdade. Grazas a Juan, o papá de Raúl (4ºC) e Arantxa, a mamá de Nekane(3ºC) e Eloy (1ºC) por pasalo! É un pracer que os papás tamén colaboredes no noso blog coas vosas aportacións e comentarios!

Partitura para flauta " Himno á Ledicia"

2009-11-29T21:37:00.002+01:00

Para os que me pedíchedes partituras para flauta. Nos próximos días colgarei máis! Aquí tedes a partitura para flauta do "Himno á Ledicia" e o playback para que a toquedes acompañados da música.

Karaoke

2009-11-29T21:26:00.004+01:00

Estreamos no Recuncho Musical o noso apartado de Karaoke, é moi divertido se o facedes con máis persoas. Abrimos esta sección cunha canción de Diego Torres que fala do Color Esperanza. Estamos ás portas do Nadal así que non perdamos a esperanza de que o mundo no que vivimos sexa un pouco mellor pero recorda que tí tamén formas parte del. Que o disfrutedes!!

“COLOR ESPERANZA”

Se que hay en tus ojos con solo mirar
que estás cansado de andar y de andar
y caminar, girando siempre en un lugar.

Se que las ventanas se pueden abrir
cambiar el aire depende de ti
te ayudará, vale la pena una vez más.

Saber que se puede, querer que se pueda
Quitarse los miedos, sacarlos afuera
pintarse la cara color esperanza
tentar al futuro con el corazón.

Es mejor perderse que nunca embarcar
mejor tentarse a dejar de intentar
aunque ya vez que no es tan facil empezar.

Se que lo imposible se puede lograr
que la tristeza algun día se irá

y así será, la vida cambia y cambiará.

Sentirás que el alma vuela
por cantar una vez más.

Saber que se puede querer que se pueda
quitarse los miedos, sacarlos afuera
pintarse la cara color esperanza
tentar al futuro con el corazón.

Saber que se puede, querer que se pueda
quitarse los miedos, sacarlos afuera
pintarse la cara color esperanza
tentar al futuro con el corazón.

Vale mas poder brillar
que solo buscar ver el sol.

Pintarse la cara color esperanza
tentar al futuro con el corazón.

Saber que se puede…
Querer que se pueda…
Pintarse la cara color esperanza
tentar al futuro con el corazón.

A música na Idade Media

2009-11-29T20:42:00.004+01:00

Na Idade Media predominaba o canto sobre a música instrumental, especialmente o canto gregoriano. O canto gregoriano cantábase nos mosteiros a capella (sen acompañamento instrumental) e os protagonistas dos textos eran personaxes bíblicos ou santos.
Pero a música foi evolucionando e os temas tratados xa non eran só relixiosos.
A música vocal, os instrumentos e a danza fóronse mesturando cada vez máis para acabar dando orixe a melodramas musicais.
O seguinte video conta de maneira reesumida a historia da música da Idade Media.

Aparece o primeiro nome propio que achega algo interesante á nacente historia da música: Guido de Arezzo. El é primeiro en nomear as notas da escala, servíndose dun singular recurso: o himno a San Xoán posto que emprega a primeira sílaba de cada verso. Mesmo emprega a man como recurso para empregar o ensino das notas.

Guido de Arezzo Hinmo a San Xoán

Man de Guido

Facede clik e escoitaredes o Himno a San Xoán:

Deíxovos uns videos sobre a historia da notación Musical que aprendemos na clase, son moi interesantes.

A orixe da Música

2009-11-29T19:34:00.006+01:00

A orixe da música é tan antiga como o ser humano. Algúns autores coinciden en que a música naceu da imitación dos sons da natureza e outros manifestan que foi a partir dos sons rítmicos e monótonos que se producían nas actividades cotiás.
Posto que non temos documentos que nos conten como naceu a música, os descubrimentos arqueolóxicos tiveron un papel moi importante no estudio da orixe da música; grazas a eses descubrimentos sabemos como eran os seus instrumentos e a maneira que tiñan de tocalos.

Xa dixo Friedrich Nietzsche que " sen música a vida sería un erro" e sabemos que desde que o home existe a música o acompaña na cotidianidade da súa vida.

Tal e como dixemos na clase, ao principio foi o ritmo. Os diversos testemuños arqueolóxicos presentes en múltiples civiilizacións coinciden en que todas utilizaban diferentes obxetos como instrumentos sonoros. As primerias sociedades que existiron entendían a música como unha forma de expresarse e comunicarse. E non só a música senon tamén a danza.

O seguinte video ilustra todo o que vos acabo de contar cun pequeno toque de humor pero podería ser unha adaptación do que sucedeu cas antigas civilizacións e coa música.

Descubrín un artigo moi interesante onde nos fala dun dos instrumentos máis antigos que se coñecen, unha flauta de 35.000 anos! Fai clik na imaxe e accederás á noticia.

Lego Star Wars

2009-11-29T18:50:00.005+01:00

Ignacio de 6ºB pasoume este video para o noso apartado de Música Curiosa.
Sabedes quen compuxo a banda sonora de Star Wars? cales son os instrumentos que tocan os legos? Encántame esa batuta!

Trivial Musical

2009-11-27T01:02:00.004+01:00

Quen saberá máis? Atentos ás instruccións. Podedes xogar de un xogador ata catro. A ver que vos parece...

Máquina Musical

2009-11-24T01:20:00.004+01:00

Miguel Belmonte de 6ºA e Pedro de 6ºC pedíronme que colgara este video. Está moi chulo! pensades que é real ou non? como o farían? que vos parece?
Grazas Miguel e Pedro!

Concerto en Familia "Familias en Acción"

2009-11-19T21:15:00.004+01:00

A OSG iniciou a súa programación de concertos didácticos co programa Familias en acción, un achegamento aos instrumentos que conforman unha orquesta sinfónica. O programa didáctico ofreceuse no Palacio da Ópera da Coruña desde o pasado 17 de novembro que culminará o sábado 21 de novembre nun Concerto en familia que terá lugar ás 12 horas.

Baixo a dirección de Juan Luis Pérez e coa narradora Ana Hernández Sanchiz, a OSG irá desgranando os detalles das diferentes familias que integran a orquesta sinfónica a través de músicas de Bach, Mozart, Beethoven, Mendelssohn, Dvorák, Stravinski, Shostakóvich y Chaikovski.

É unha excelente oportunidade de pasar un bo rato en familia. Os nenos de 3º a 6º xa tiveron a sorte de vivir esta experiencia o pasado martes 17 . Facede clik aquí e accederedes á información da venda de entradas e os próximos concertos en familia. Agardo que o disfrutedes!

O Carnaval dos Animais de Camille Saint - Saëns

2009-11-19T19:47:00.007+01:00

Neste primeiro trimestre tivemos a sorte de coñecer algúns dos grandes compositores da historia da música e escoitar algunhas das súas obras. Un ano máis, os nenos de 2º de primaria recordamos a Camille Saint- Saëns. Este músico francés foi un virtuoso pianista pero tamén fixo outras moitas cousas como escribir poesía, observar as estrelas ou estudiar matemáticas. En 1886 escribiu a obra musical "O Carnaval dos Animais" que como xa sabedes está formada por 14 pezas adicadas a distintos animais...aínda que, non exactamente posto que todas as pezas teñen nomes de animais excepto unha; quixo facer unha broma aos pianistas e consideralos parte da fauna que se encontra neste "carnaval" .
Estos son os títulos das 14 pezas:
1. Introdución e marcha real do león
2. Galiñas e galos
3. Asnos salvaxes (animais veloces)
4. Tartarugas
5. O elefante
6. Canguros
7. Acuario
8. Personaxes con longas orellas
9. O cucú no fondo do bosque
10. Aviario
11. Pianistas
12. Fósiles
13. O cisne
14. Final

Camille era un home serio e por iso non deixou que se publicara esta obra mentras vivira pois escribiu no seu testamento que os seus editores habituais poderían publicar a súa obra cando él morrera; quen lle iba a decir ao músico francés que "O Carnaval dos Animais" sería a súa obra máis coñecida!

Neste trimestre escoitamos "Acuario" adicada aos animais mariños. Foi escrita para flauta, armónica de cristal, 2 pianos, 2 violíns, viola e violonchelo. A armónica de cristal non ten nada que ver coa armónica que coñecedes pois é un instrumento que consiste nunha serie de recipientes de cristal pero hoxe en día é sustituída por outro instrumento chamado Glockenspiel. Camille Saint- Saëns quería que nos imaxináramos o fondo do mar con todos os seus habitantes e vaia se o fixemos...convertímonos en diferentes peixes e aleteamos polo "mar" da clase...moi divertido!

Aquí deixo este video para que miredes o mar como se fósedes algún peixe dos que imaxinou Camille Saint- Saëns.

Canto sabes de liguaxe musical?

2009-11-19T19:30:00.005+01:00

Fai click e comproba o teu nivel de linguaxe musical.

A voz humana

2009-11-17T13:00:00.036+01:00

A voz é o noso instrumento por excelencia. O máis antigo e o que serviu para que moita música se mantivera de xeración en xeración. Nas clases de 4º estamos aprendendo moitas cousas sobre a voz humana: o seu funcionamento, os seus coidados e a súa clasificación.

A continuación deixovos moita información de todo o que estamos traballando na clase. Aos que estades en 5º e 6º tamén vos interesa moito para repasar todo o que xa sabedes.

Para acceder só tes que facer clik sobre o título.

Libro Virtual "A Voz" (realizado por alumnos doutro cole)

As cordas vocais (wikipedia)

Videos:

1. A voz e o seu funcionamento:

Fai click aquí e accederás a unha colección de videos que explican o funcionamento da voz e o aparato fonador.

A colección consta de 10 vídeos e os temas que trata son os seguintes:

1. Presentación Xeral / 2. A Larinxe Humana

3. A Larinxe e as súas funcións / 4. A Fonación

5. A voz falada / 6. A voz cantada

7. Larinxe e técnica vocal / 8. Báscula Larínxea

9. Técnica Vocal / 10. Vocalización

2. Agrupacións Vocais:

A voz humana pódese agrupar de diferentes maneiras.

Se atendemos á instrumentación temos:

- Coro a capella, é o coro que canta sen acompañamento instrumental.

- Coro concertante, é o coro que canta acompañado por instrumentos.

Segundo o xénero dos seus componentes agrúpanse así:

- Coro de voces iguais, cando todas as voces que o compoñen son do mesmo tipo (voces blancas, voces graves, o voces agudas). Pode ser un coro de voces brancas ou un coro de voces graves.

- Coro de voces mixtas. Cando as voces que o forman son de diferente natureza, por exemplo voces agudas e graves no mesmo coro.

En canto ao número de componentes dun coro teremos:

- Dúo: Formado por dos cantantes.

- Trío: Formado por tres cantantes.

- Cuarteto: Formado por catro cantantes (polo xeral un cuarteto o forman soprano, contralto, tenor e baixo).

- Sexteto: Formado por seis cantantes, xeneralmente con voces de soprano, mezzosoprano, contralto, tenor, barítono e baixo.

- Octeto: É unha duplicación do cuarteto.

- Coro de cámara: Agrupación formada por 12 -20 compoñentes.

- Coro sinfónico ou masa coral: Agrupación formada por 30-60 compoñentes.

- Orfeón: É unha agrupación vocal formada por un número de compoñentes superior a 100.

Unha agrupación especial é a Escolanía, que é un coro de voces blancas formado únicamente por voces de nenos.

Fai click e observa algúns videos de agrupacións vocais.

Exercicios:

Agora tes que poñer en práctica todo o aprendido. Poderás acceder a diferentes actividades para comprobar cantas cousas sabes. Tes que facer clik nos títulos que aparecen debaixo desta imaxe. Seguro que te sorprendes!

Actividades na Rede:

1. Coñeces a clasificación das voces humanas?

2. Ordena as voces do coro.

3. Cuestionario sobre a voz

4. Quen é?

5. Clasificación das voces.

6. Grupos Vocais.

7. Agrupacións Vocais.

8. Tipos de Voces.

Test:

1. O instrumento vocal.

2. Clasificación das Voces.

3. Agrupacións Vocais.

Curioso Instrumento

2009-11-16T23:55:00.006+01:00

Aquí vos deixo este video para ir ampliando o noso apartado de Música Curiosa.Grazas á mamá de Nekane 3ºC e Eloy 1ºC, Arantxa,a nosa profe de música de secundaria por envialo. Podedes intentalo vos: unha copa cunha pouca auga e os dedos húmidos.Xa me contaredes!

Percusión de outras culturas

2009-11-16T18:38:00.007+01:00

Algúns videos sobre os instrumentos de percusión que vimos na clase cas nenas e nenos de 6º. Recordade que tedes que pegar na libreta unha pequena foto dun instrumentista tocando o instrumento e escribir a información que leemos na clase.

Pelo Gato 24

2009-11-13T18:08:00.007+01:00

Pelo Gato 24 é un disco-dvd para nenos que recolle unha selección de cantigas e xogos populares galegos. Trátase dun proxecto da Asociación de Gaiteiros Galegos.

O dvd ofrece videoclips dalgunhas cantigas e un documental explicativo dos xogos para que os nenos aprendan o xogo de cada unha das cancións. O cd recolle 14 cortes e unha pista interactiva con fotos, letras e playbacks. Todo isto acompañado dunha excelente presentación cun libreto de 64 páxinas coas fotos e os textos que documentarán os xogos e cantigas tradicionais galegas.

Na clase aprendemos algunhas das cancións incluídas neste cd. Moi recomendable!

Os pequenos músicos

2009-11-13T17:11:00.005+01:00

Aquí poderedes aprender cancións, practicar as notas no pentagrama e xogar co ritmo.

Cualidades do son

2009-11-13T16:49:00.004+01:00

Aquí tedes unha presentación para repasar as cualidades do son que aprendemos na clase. Agardo que vos axude!

See more presentations by olisax | Upload your own PowerPoint presentations

Música Curiosa

2009-11-12T21:51:00.000+01:00

Os instrumentos da Orquestra

2009-11-12T18:35:00.000+01:00

Descubre cousas interesantes sobre os instrumentos da orquestra:

Tocamos a flauta!

2009-11-12T17:38:00.003+01:00

Recorda que antes de comezar a tocar coa túa flauta debes ter claros algúns dos seguintes aspectos. Fai click na seguinte imaxe e descubrirás os pasos que tes que seguir para estudiar correctamente.

Pincha na seguinte imaxe e poderás ensaiar as posicións da flauta.

Na seguinte imaxe tedes varios enlaces, entre eles "partituras" onde atoparedes algunhas das cancións que vos gustan.

Escala Musical

2009-11-12T17:11:00.000+01:00

Coñece e practica a escala musical. No seguinte enlace poderás escoitar o son de cada nota: